Situata në Greqi

Javë me rëndësi për qeverinë e Papadhimos

Java e parë e qeverisë së Lukas Papadhimos, fillon me debatet në Parlament, të cilat do t’i paraprijnë votëbesimit të qeverisë së tij. Orët e fundit, Lukas Papadhimos ka patur biseda telefonike me kancelaren gjermane Merkel, presidentin francez Sarkozy, kreun e Eurogrup Jean-Claude Junker, presidentin e Komisionit evropian Hoze Manuel Barroso, drejtoreshën e përgjithshme të FMN, Christine i Lagarde, presidentin e Bankës Qendrore Evropiane Mario Dragon, Presidentin e Këshillit Evropian Herman Van Rompuy dhe nga gjithë bisedat, kryeministri ka marrë mesazhin se Greqia duhet të zbatojë angazhimet e saj, me qëllim që të përfitojë paratë e ndihmës.

Kësti i gjashtë, pas zbatimit të të gjitha angazhimeve

“Lirimi i këstit të gjashtë të kredisë nuk do të ndodhë nëse Greqia nuk vazhdon me hapat e nisur”, tha presidenti francez Sarkozi dhe kancelarja gjermane Merkel, gjatë një bisede telefonike mbrëmjen e së shtunës. Të dy udhëheqësit po ashtu theksuan "nevojën urgjente për zbatimin e plotë dhe të plotë të të gjitha angazhimeve të ndërmarra nga Greqia”. Ata bënë thirrje për zbatimin e plotë dhe të menjëhershëm të angazhimeve e në veçanti ato që përfshihen në Marrëveshjen e 26 tetorit. "Pagesa e këstit të ardhshëm të ndihmës financiare mund të bëhet vetëm kur të ketë një hap vendimtar në këtë drejtim", tha presidenca franceze në një deklaratë. "Të dy udhëheqësit riafirmuan vendosmërinë e tyre të plotë për të mbrojtur euron," thuhet më tej në deklaratë.

Kthimi i Trojkës në Athinë

Në fillim të kësaj jave pritet të kthehet në Greqi, ekipi i Trojkës. Diskutimet do të lidhen me vërtetimin se Athina ka bërë çdo gjë që të kërkuar nga huadhënësit për të lëshuar këstin e gjashtë dhe për zbatimin e vendimeve të Samitit të 26 Tetorit. Zyrtarë të Komisionit evropian, bënë të ditur se “pasi të merren sqarime nga autoritetet greke, çështja do t’i kthehet Eurogrupit për të vendosur mbi këstin e gjashtë”. Një ditë më parë drejtoresha e FMN u deklarua e kënaqur për ndryshimet politike në Greqi. “Ne mund të fillojmë të shqyrtojmë menjëherë pagesën e këstit të gjashtë", garantoi Legarde.