Deputeti i PDIU-së

Tahiri merr mbështetje në SHBA për Çështjen Çame

Deputeti i PDIU-së, Dashamir Tahiri, ndodhet prej disa ditësh në Washington për një vizitë zyrtare. Gjatë kësaj vizite deputeti Tahiri është takuar me zyrtarë të lartë dhe përfaqësues të Kongresit dhe Senatit Amerikan. Midis takimeve të shumta vlen të përmendet më me shumë interes takimi me anëtarin e Komitetit të Jashtëm dhe Kryetarin e N/Komitetit të Hapësirës dhe Aeronautikës Kongresmenin Dana Rohrabacher. Në këtë takim të zhvilluar në një atmosferë shumë mikpritëse dhe kuptimi të përbashkët për marrëdhëniet e shkëlqyera midis dy vendeve tona dhe suportit që Shtetet e Bashkuara i kanë dhënë dhe japin Shqipërisë u fol edhe për Çështjen Çame dhe iu bë me dije Kongresmenit Rohrabacher përpjekjet e deritanishme të forcës politike që deputeti Tahir përfaqëson në Shqipëri.