MATURA SHTETËRORE

Nis plotësimi i formularit A1, afati brenda marsit

Ministria e Arsimit dhe Shkencës shprehet se që nga 1 marsi ka filluar procesi i plotësimit të formularit A1 nga maturantët që do t`i nënshtrohen provimeve për vazhdimin e studimeve të larta në vitin akademik 2010-2011.

Formulari përbën aktin e regjistrimit ne procesin e Maturës Shtetërore, i cili sipas MASS është një proces i detyrueshëm për maturantët e vitit shkollor 2009-2010. Formulari është kushti i domosdoshëm për të hyrë në provimet e detyrueshme të maturës, në lëndët e Letërsisë dhe Matematikës. Sipas MASH, gjimnazistët mund ta tërheqin formularin pranë drejtorive të shkollave, ku studiojnë, kjo duhet të ndodhë shpejt për shkak se në fund të muajit mars, drejtoritë arsimore bazuar në plotësimin e formularit, do të afishojnë listat e maturantëve që do t`i nënshtrohen provimeve, të cilat fillojnë më 1 qershor me testin e Letërsisë. MASH ka bërë me dije se maturantët që gabojnë në plotësimin e parë të formularit A1, mund të tërheqin një të dytë për të ndrequr gabimet në aplikimin e parë