Për mjekësinë, braktisa rekordet sportive dhe fakultetin e inxhinierisë

Ilia Mazniku ka lindur në Tiranë me 1943, në një familje me tradita të lashta ndërtuesish, e me ndjenja atdhedashurie. Babai i tij Kozma Mazniku ka lindur në Vernice të Gollobordës dhe si shumë bashkëfshatarë të tij ka emigruar në Solje e Selanik ku ka punuar si ndërtues e sipërmarrës. Në vitin 1939 u vendos në Tiranë me gjithë familjen e tij. Kozmai njihet nga vernicasit si një nga sipërmarrësit e parë të ndërtimit e që ka ndërtuar shumë shtëpi e vila luksoze të asaj kohe. Ai ishte një nga as/inxhinierët e parë që me përvojën e tij ka drejtuar punën në ndërtimin e Kombinatit të Tekstileve në Tiranë. Dhe vëllezërit e Ilias njihen si mjeshtra të talentuar në ndërtim. Më i madhi, Trajfe Mazniku i nderuar që në vitin 1959 me titullin "Heroi i Punës Socialiste" dhe Llazari i nderuar me çmimin "Laureat i Çmimit Republikës". Familja e maznikëve ku ka lindur Ilia është e njohur si një nga familjet e lidhura me luftën Nacional Çlirimtare, ku Trajçe Mazniku ka marrë pjesë me armë në dorë në rradhët e Brigadës së 4-të Sulmuese. Pas çlirimit xhaxhai i tij Danail Mazniku ka qenë kryetar i Këshillit Popullor të fshatit.

Per me shume lexoni gazeten"Telegraf"