Gazeta Telegraf: “Sejfulla Malëshova, një humbje e madhe për Shqipërinë”

“Sejfulla Malëshova, një humbje e madhe për Shqipërinë”
================================================================================
Gazeta Telegraf on 18/01/2012 17:22:00

Studiuesi dhe shkrimtari Nasho Jorgaqi vazhdon të tregojë kalvarin e
mundimshëm të Sejfulla Malëshovës

Sejfulla Malëshova e ngrysi tërë jetën e tij pas luftës deri sa vdiq në
internim në Ballsh dhe më vonë në Fier, ku punoi për një kohë shumë të
gjatë në Ndërmarrjen e Grumbullimit si magazinier duhani, një punë e
lodhshme dhe me kontakte të pakta me njerëz të kultivuar. Ai kishte kontakte
pune vetëm më fshatarë. Kur e pyeta një herë për kthimin në atdhe pas 27
vjet mërgim, do të më thoshte me një farë humori: "Zbrita me parashutë në
Shtyllë të Korçës dhe rashë në një gorricë. Gati e pësova, se vrava keq
njërën këmbë, po shyqyr shpëtova". Ndoshta donte të thoshte “më mirë
të kisha thyer kokën”.
Fat i dhimbshëm dhe i padrejtë
Popullariteti i Sejfulla Maleshovës dhe Lame Kodrës brenda harkut kohor të
një viti njohu një kulm, që nuk u përsërit më. Ai siç e kam thënë edhe
gjetkë, ishte figura numër 2 pas Enver Hoxhës. Por për të shumë shpejt
nisi e tatëpjeta. Andrallat politike e futën jetën e poetit në një
qorrsokak dhe e gjithë ajo që ndodhi do të mbeteshin prolog dhe epilog i një
lavdie fatale. Para se të largohej përfundimisht nga politika, poetit iu bë
gjyqi publik në Konferencën e tretë të Lidhjes së Shkrimtarëve në tetor
të vitit 1949.
...
Per me shume lexoni gazeten "Telegraf"